+389-2-322-4388
Top
 

Дубаи

per person

 

                                                                             Термин: 20-27.01.2020 год.

Заедно со уште шест други емирати е составен дел на Обединетите Арапски Емирати. Кон федерацијата на градови, Дубаи пристапи 1971 година. Ова некогашно мало рибарско село во средината на 19 век прерасна во трговски центар и многу важно трензитно пристаниште помеѓу Блискиот и Далечниот исток. Денес овој град во арапскиот свет е познат како „град на трговци“.

Она што фасцинира при првата средба со Дубаи е неговиот космополитски дух. Насмеаните лица на жителите на овој град од сите можни нации можат да се видат на секој чекор, така што понекогаш имате впечаток дека не сте на Блискиот исток, во арапскиот свет. Високиот животен стандард се гледа на секој чекор, почнувајќи од автомобилите и облеката што ја носат локалните жители. Ова е многу либерален град, а од неговите жители се очекува да ја почитуваат верата на другите. При облекувањето се почитува традицијата, но се носи и облека во „западен“ стил. Овој град, благодарејќи и’ на нафтата изникна од пустина и фасцинира на секој чекор со своето зеленило и богатство на бои, па понекогаш се запрашувате дали е вистинито она што го гледате или е фатаморгана. За посетителите, што е многу важно, Дубаи многу безбеден. Нема кражби, веројатно затоа што и казните се многу високи и ригорозни.Целиот град е едно големо градилиште- на секој чекор се гради.

Зградите на сред пустина никнуваат со голема брзина, а секоја нова е пораскошна и поубава од претходната.Без разлика на раскошот на тие облакодери, на секој се забележува и арапскиот стил, кој потсетува каде се наоѓате. Овде зградите од десет години се сметаат за стари и се рушат за да им направат место на понови и пораскошни. Во градот кој никна на сред пустина се води сметка за секоја тревка. Жителите се маѓепсани со зеленилото.  Од Холандија годишно се увезуваат стотици тони тревни теписи, кои ги сочинуваат тревните површини на градот и кои непрекинато се наводнуваат.Во Дубаи доминираат палми украсени со стотици сијалици, кои навечер создаваат слика од бајките. Цвеќето е насадено во убави мермерни жардињери во облик на школки. Во овој град, кој е неверојатно чист, секој жител води смека за чистотата.

Дубаи е трговски и деловен центар на Блискиот исток, но и една од најатрактивните туристички дестинации на светот. Тоа е вистинското место за сите оние кои сакаат активен одмор во текот на целиот ден. Застапени се сите спортови од тенис, голф, коњички спортови. Она по што овој град е навистина познат и што е вистинска атракција е купувањето. Бидејќи е град, безцаринска зона, секој може да пронајде нешто за себе. Градот е преплавен со огромни шопинг центри од кои најпознат е Deira City Center, кој се протега на три спрата и нуди роба и за најпребирливите. За обиколка на овој шопинг центар потребни ви се денови. Тој трговски центар, заедно со хотелот Sofitel City Center и шведската стоковна куќа Икеа, се вистински рај за купувачите, а тука има и кино и лунапарк.

Цена на аранжманот/ по особа
649 ЕУР

Во цената на аранжманот е вклучено:

➢ Авионски билет, со авиокомпанијата Fly Dubai, директен лет Скопје-Дубаи-Скопје

➢ Аеродромски такси

➢ Рачен багаж до 7 кг. и чекиран багаж 1 парче до 20 кг.

➢ Хотелско сместување – 7 ноќевања / сместување во двокреветна соба / со појадок / во Golden Tulip Media Hotel 4* www.goldentulipmediahotel.com или сличен

➢ Полудневен разглед на градот со водич на Српски јазик ( City Tour Dubai ).

➢ Организиран трансфер ( аеродром-хотел-аеродром )

➢ Патничко осигурување

Во цената на аранжманот НЕ е вклучено:

➢ Виза за ОАЕ- 80 еур. (За виза апликација потребен е пасош со валидност мин.6 месеци по истекот на патувањето,фотрографија со висока резолуција,лично во агенција или по маил во ЈПГ формат,податоци (име и презиме на двајцата родители), лична професија на апликантот)

➢ Влезница за Burj Khalifa, оваа посета е дел од туристичкото разгледување на градот – 40 еур

➢ Целодневна посета на Абу Даби без ручек – 60 Еур. ( Водич на Српски јазик )

➢ Влезница за Ferari World / Светот на Ферари посетата е дел од еднодневната екскурзија во Абу Даби – 75 еур

➢ Пустинско сафари со џип 4х4 со вклучена вечера – 55 еур

➢ Ноќно крстарење низ DHOW ( Creec/ Marina ) со вклучена вечера и трансфер- 60 еур /65 еур

➢ Такса за престој се плаќа директно во хотел: *3-4 еур. / за соба на ден во Хотел со 4* *2-3 еур. / за соба на ден во Хотел со 3*

➢ Индивидуални трошоци

ЗА РЕАЛИЗАЦИЈА НА АРАНЖМАНОТ ПОТРЕБНИ СЕ МИНИМУМ 20 ПАТНИКА!

ВАЖАТ ОПШТИТЕ УСЛОВИ НА ПАТУВАЊЕ НА СКТМ И ЕЛИТ ТРАВЕЛ ДООЕЛ!

Сите информации за патувањето можете да ги добиете на:

+ 389 (0)75 254 550

+389-2-322-4388

info@elitetravel.com.mk

 

                                         ЕЛИТ ТРАВЕЛ  ВИ ПОСАКУВА ПРИЈАТНО ПАТУВАЊЕ!!!

  • Destination
  • Included
    Дубаи
    Personal Guide
    Breakfast
  • Not Included
    Departure Taxes
    Entry Fees
    5 Star Accommodation